صوبہ بلوچستان کے ضلع سبی میں مزدا ٹرک اور مسافر ویگن کے درمیان تصادم کے نتیجے میں بچوں اور خاتون سمیت 10 مسافر جاں بحق اور 20 زخمی ہوگئے۔
لیویز ذرائع کے مطابق ٹریفک حادثہ ضلع سبی کے علاقے مٹھری میں پیش آیا۔
واقعے میں 10 افراد جاں بحق اور 20 زخمی ہوئے جبکہ ہلاک ہونے والوں دو بچے اور ایک خاتون بھی شامل ہے۔
سبی کے ڈسٹرکٹ ہیڈ کوارٹر ہسپتال کے ڈیوٹی پر موجود ڈاکٹر لال مگسی نے ڈان نیوز کو بتایا کہ حادثے میں جاں بحق ہونے والے 10 مسافروں کی لاشیں ہسپتال منتقل کی گئیں۔
